اسلام آباد(مانیٹرنگ ڈیسک) اداکارہ میراکے ایک مبینہ شوہر نے ان کے بیوی ہونے کا کیس دائر کر رکھا ہے ، فیصلہ ہونے سے پہلے شادی مہندی کے بجائے ہاتھوں میں ہتھکڑیاں لگوا سکتی ہے، شوبز حلقوں نے میرا کے اگست میں شادی کے اعلان کو ڈرامہ قرار دیدیا۔ نیو نیوز کی ایک رپورٹ کے مطابق اداکارہ میرا کے اگست میں شادی کے اعلان پر شوبز حلقوں نے اسے ڈرامہ قرار دیتے ہوئے سستی شہرت حاصل کرنے کیلئے شوشہ قرار دیدیا ہے۔ شوبز حلقوں کا کہنا ہے کہ اداکارہ میرا کے ایک
مبینہ شوہر نے ان کے خلاف عدالت میں پہلے ہی اپنی بیوی ہونے کا کیس دائر کر رکھا ہے اور کیس کے فیصلے تک میرا شادی نہیں کر سکتی اگر میرا نے شادی کی تو اس کو ہتھیلیوں پر مہندی کی بجائے ہتھکڑیاں بھی لگ سکتی ہیں ۔ان حلقوں کا کہنا ہے کہ اداکارہ نے میڈیا کی توجہ حاصل کرنے کے لئے چھوڑا ہے کیونکہ میرا آج کل کسی بھی بڑے پراجیکٹ میں کام نہیں کر رہی اور دوسروں کو اپنی طرف متوجہ کروانے کے لئے حکمت عملی کے تحت میرا نے خود یہ خبر لیک کی ہے۔
