پنسلوانیا (آن لائن)امریکی ریاست پنسلوانیا کی عدالت کے جج نے معروف امریکی اداکار بل کوسبی کے خلاف جنسی حملے کے مقدمے کی کارروائی ختم کر دی۔ یہ اقدام جیوری کی جانب سے کسی فیصلے تک نہ پہنچنے کے اعلان کے بعد سامنے آیا۔ تاہم مدعی فریق نے کہاہے کہ وہ 79 سالہ اداکار کے خلاف دوبارہ مقدمہ دائر کرے گا۔معروف مزاحیہ اداکار کو اب بھی قانونی مقدمات کے مسائل کا سامنا ہے جن میں سول مقدمات بھی شامل
ہیں۔میڈیارپورٹس کے مطابق تقریبا 60 خواتین نے الزام عائد کیا تھا کہ امریکی اداکار نے انہیں جنسی حملے کا نشانہ بنایا۔ اس کے نتیجے میں 80 کی دہائی میں کوسبی شو کے ذریعے شہرت پانے والے اداکار کی طویل پیشہ ورانہ زندگی عملی طور پر اختتام کو پہنچ گئی۔عدالت کی جیوری کے ارکان 53 گھنٹوں پر مشتمل مشاورت کے بعد بھی کوسبی کے حوالے سے کسی متفقہ فیصلے تک پہنچنے میں ناکام رہے۔ عدالت کا یہ فیصلہ مزاحیہ اداکار کی جیت ہے جو ممکنہ طور پر دس برس تک کی قید سے بچ گئے۔
