لاہور(آئی این پی)بھارت نے ماڈل و اداکارہ صبا قمرکو فلموں کے بعدکس چیز کی آفر کر دی ؟ نامور ماڈل و اداکارہ صبا قمرکو بھارتی فلموں کے بعد ڈراموں میں کام کی آفرز ہونے لگیں ۔ ذرائع کے مطابق صبا ء قمر کی بھارت کے شوبز حلقوں میں مقبولیت بڑھ رہی ہے اسی وجہ سے صباء قمر کو بھارتی فلموں کے بعد اب بھارت کے ٹی وی ڈراموں میں بھی کام کر نے کی پیشکش ہو نے لگیں ہیں اور امکان ہے کہ صباء قمر بہت جلد بھارت کا دورہ بھی کر یں گی جہاں انکی بھارت کے مختلف ڈائر یکٹرز اور ہدایتکاروں سے ملاقاتیں ہوں گے ۔
جبکہ دوسری جانب کنگ خان کی فلم ‘‘رئیس’’کی ریلیز ایک بار پھر خطرے میں پڑ گئی ہے،فلم میں پاکستانی اداکارہ ماہرہ خان کی موجودگی کے باعث بھارتی ریاست چھتیس گڑھ کے سینما مالکان کو ہندوانتہا پسند تنظیم شیو سینا کی جانب سے دھمکیاں موصول ہوئی ہیں۔انڈین ایکسپریس کے مطابق چھتیس گڑھ کے تمام سینما مالکان کو ایک دھمکی آموز خط موصول ہو اہے جس میں شیو سینا نے دھمکی دیتے ہوئے کہا ہے کہ اگر فلم رئیس کی نمائش کی گئی تو نتائج کے ذمہ دار خود ہوں گے۔

موضوعات:صبا قمر