اسلام آباد(مانیٹرنگ ڈیسک) بچوں کے معروف ترین ڈرامہ سیریل ’’عینک والا جن ‘‘ جس نے اپنے زمانے میں شہرت کے سارے ریکارڈز توڑ دیے تھے اور بچوں اور بڑوں میں بے حد مقبول بھی ہوا تھا۔ اس ڈرامے کی معروف اداکارہ نصرت آرا جنہوں نے ڈرامے میں بل بتوڑی کا کردار ادا کیا تھا کے حوالے سے خبر ہے کہ پنجاب حکومت نے نصرت آراکو 50ہزار
روپے کاچیک جاری کردیا ہے۔ اداکارہ ایک لمبے عرصے سے شدیدعلیل اورکسمپرسی کاشکارہیں۔حکومت نے اداکارہ کی حالت زاردیکھتے ہوئے انہیں بیت المال سے 50ہزارروپے نقددینے اوردس لاکھ رو پے تک کسی بھی ہسپتال سے علاج کرانے کی منظوری دی ہے۔چیئرمین بیت المال نے ایک ہی دن میں چیک تیارکروا کرنصرت آرا کو بھجوادیا ۔ میڈیا سے گفتگوکرتے ہوئے نصرت آرا کاکہناتھاکہ میں حکومت پنجاب کی بے حدمشکورہوں کہ اس نے میری اپیل کومنظورکیا۔مجھے توقع نہیں تھی کہ اتنی جلدی میری شنوائی ہوجائے گی۔اب میں مطمئن ہوں اوربہت جلداپناعلاج شروع کروادوں گی۔

موضوعات:بل بتوڑی عینک والا جن