اسلام آباد (مانیٹرنگ ڈیسک)بھارتی ٹینس اسٹار اور پاکستان کے معروف کھلاڑی شعیب ملک کی اہلیہ ثانیہ مرزاان دنوں اپنی چھوٹی بہن انعم مرزا کی شادی کی تقریبات میں مصروف ہیں۔بولی وڈ کے معروف ستاروں کی شرکت نے تقریب کو چار چاند لگادئیے ہیں ،گزشتہ روز مہندی کی تقریب میں بولی وڈ کے سلطان سلمان خان اور پرینیتی چوپڑا نے ثانیہ مرزا کے ساتھ رقص کرکے مزہ دوبالا کردیا۔بولی وڈ انڈسٹری ثانیہ مرزا،پرینیتی چوپڑا اور کوریو گرافر فرح خان کی دوستی سے واقف ہیں اور انہوں نے شادی میں شرکت کرکے دوستی کا صحیح حق بھی نبھا دیا ۔ سوشل میڈیا پر شعیب ملک ، ثانیہ مرزا، سلمان خان اور پرینیتی چوپڑہ کی ایک تصاویر کافی وائرل ہو گئی ہے ۔ جس میں دیکھا جا سکتا ہے کہ سلمان خان اور پرینیتی چوپڑہ نے ثانیہ مرزا کے ساتھ رقص کیا ہے۔ یاد رہے کہ ثانیہ مرزا کی ہمشیرہ انعم اور ان کے شوہر کی منگنی گزشتہ سال ہو گئی تھی جبکہ رواں سال میں دونوں رشتہ اذدواج میں جڑ گئے ہیں

موضوعات:ثانیہ مرزا ہمشیرہ انعم