ممبئی (این این آئی)بالی وڈ ڈائریکٹر انوگراگ کشیپ نے پاکستانی فنکاروں کے کام کے باعث مشکلات کی زد میں آنے والے ڈائریکٹرز کی مدد کیلئے بھارتی وزیراعظم نریندرا مودی کو تنقدی کا نشانہ بنایا ۔انوراگ کشیپ نے نریندرا مودی کو تنقید کا نشانہ بناتے ہوئے دریافت کیا ہے کہ فواد خان کو اپنی فلم اے دل ہے مشکل میں لینے کے باعث ممکنہ پابندی کا سامنا کرنے والے کرن جوہر کو مشکل کا سامنا کیوں ہے ٗ جبکہ بھارتی وزیراعظم نے خود اس وقت پاکستان جاکر اپنے پاکستانی ہم منصب نواز شریف سے ملاقات کی، جب بھارت میں اے دل ہے مشکل کی شوٹنگ جاری تھی۔انوراگ کشیپ نے ٹوئٹر پیغامات کے ذریعے اس دوغلے معیار کی شکایت کی۔انہوں نے اپنے ایک پیغام میں لکھا کہ نریندرا مودی، سر آپ نے 2 دسمبر کو پاکستانی وزیراعظم سے ملاقات پر معافی نہیں مانگی اس وقت جب کرن جوہر اپنی فلم کی شوٹنگ کررہے تھے کیوں؟