اسلام آباد(مانیٹرنگ اینڈ کلچرل ڈیسک) بھارتی معروف ادکارہ اور پٹودی خاندان کی بہو بننے والی کپور خاندان کی خوبرو حسینہ کرینہ کپور نے کہا ہے کہ انہوں نے سیف علی خان کا رشتہ قبول کرنے سے پہلے ایک بار نہیں بلکہ دو دو بار انکار کیا تھا جس کے بعد تیسری بار رشتہ آنے پر انہوں نے اس کو قبول کیا۔اپنے پہلے بچے کی پیدائش کے حوالے سے خبروں کی زینت بننے والی اداکارہ کرینہ کپورکی اداکاری اوران کے لائف اسٹائل سے کون واقف نہیں تاہم اداکارہ اپنے ذاتی معاملوں کوبھی اپنے مداحوں سے کبھی چھپاتی نظر نہیں ا?ئیں اور اب انہوں نے اپنی زندگی کا ایک اورانکشاف کیا ہے۔
اداکارہ نے مزید کہا کہ سیف کے والد منصورعلی خان پٹودی نے بھی ان کی والدہ اورماضی کی اداکارہ شرمیلا ٹیگورکو پیرس میں ہی پروپوزکیا تھا جہاں وہ اپنی شوٹنگ میں مصروف تھیں۔ اداکارہ سے شوکے میزبان کی جانب سے پوچھا گیا کہ سیف نے بھی انہوں گھٹنوں کے بل بیٹھ کرپروپوزکیا تھا جس پربیبو نے مسکراتے ہوئے کہا کہ سیف ان چیزوں سے بالکل دورہیں اورانہوں نے ایسا کچھ نہیں کیا تھا۔
بھارتی پروگرام کے دوران اداکارہ کا کہنا تھا کہ سیف علی خان کا رشتہ قبول کرنے کے قبل انہوں نے 2 بار اپنے کرئیر کے باعث ٹھکرادیا تھا۔ اداکارہ کا کہنا تھا کہ سیف نے انہیں پیرس کے ہوٹل میں پہلی بارپروپوزکیا تھا جس پراداکارہ نے انہیں انکارکردیا تھا جب کہ دوسری باراسی ٹرپ کے دوران پیرس کے ہی ایک چرچ میں سیف کی جانب سے ایک بار پھرپروپوزکیا گیا جس پرکرینہ نے کہا کہ وہ اس حوالے سے مزید اورکوئی بات نہ کریں کیونکہ وہ اپنے کرئیر پر بھر پورتوجہ دینا چاہتی تھیں جب کہ 2 روز بعد جب سیف نے انہیں تیسری بارپھرپروپوزکیا تومیں نے فورا خوشی سے ہاں کردی۔انہوں نے کہا کہ انکار کی وجہ صرف میرا کیرئیر تھامگر سیف کی جانب سے پیار اور اخلاص کو دیکھتے ہوئے وہ زیادہ دیر تک مزاحمت نہ کر سکیں اور انہوں نے ان سے شادی کرنے کی حامی بھر لی ۔
