ممبئی(مانیٹرنگ ڈیسک) بالی ووڈ کے مسٹر پرفیکشنسٹ عامر خان کے ننھے بیٹے ’’آزاد‘‘ اور ایشوریارائے بچن کی بیٹی ’’ارادھیا‘‘ کے گلے ملنے کی تصاویر نے سوشل میڈیا پر تہلکہ مچا دیا ہے۔بالی ووڈ اسٹار عامر خان کے 4 سالہ بیٹے آزاد خان اور ایشوریارائے بچن کی بیٹی ارادھیا کی آپس میں گہری دوستی ہے اور کئی تقریبات میں ایک دوسرے کے ساتھ ہی کھیلتے نظر آتے ہیں جب کہ گزشتہ دنوں بھی ایک سالگرہ پارٹی میں دونوں بچوں نے کچھ ایسا کیا جس نے سب کو حیران کردیا۔
گزشتہ دنوں عامر خان کے بیٹے آزاد خان اپنی والدہ کرن راؤ کے ساتھ اداکارہ ودیابالن کے بھانجے کی سالگرہ کی تقریب میں پہنچے جہاں ایشوریارائے بچن بھی اپنی بیٹی کو لے کر موجود تھیں اس دوران دونوں بچے ایک دوسرے سے گلے ملے اور ان دونوں کے گلے ملنے کے لمحات کیمرے کی آنکھ نے محفوظ کرلیے۔دونوں بچے پارٹی میں بھی ایک ساتھ رہے اور کافی دیرتک کھیلتے رہے جب کہ دونوں کی گلے ملنے کی تصاویر سوشل میڈیا پر تیزی سے وائرل ہورہی ہیں جسے مداحوں کی جانب سے بے حد پسند کیا جارہا ہے۔
