اتوار‬‮ ، 18 مئی‬‮‬‮ 2025 

فلم ’’مالک ‘‘ پر پہلی پا بندی ختم نہیں ہو ئی تھی کہ دوسری مصیبت آن پڑی ، وفا قی حکو مت نے نوٹیفیکیشن جا ری کر دیا

datetime 11  اگست‬‮  2016
ہمارا واٹس ایپ چینل جوائن کریں

لاہور( آن لائن )پاکستانی وزارتِ تجارت نے فیڈرل بورڈ آف ریونیو کو ہدایت کی ہے کہ پاکستانی فلم ’مالک‘ کی بیرونِ ملک برآمد پر فی الفور پابندی عائد کی جائے۔واضع رہے کہ فلم ’مالک‘ 26 اگست سے پاکستان سے باہر کئی ممالک میں نمائش کے لیے پیش کی جارہی تھی۔یاد رہے کہ فلم مالک رواں سال اپریل کے پہلے ہفتے میں نمائش کے لیے پیش کی گئی تھی اور تین ہفتے کی نمائش کے بعد اس پر وفاقی وزارتِ اطلاعات کی جانب سے پابندی عائد کردی گئی تھی۔اس ضمن میں فلم کی ہدایتکار عاشر عظیم نے غیر ملکی خبررساں ادارے سے گفتگو کرتے ہوئے کہا کہ انھیں بدھ کی شب ایک نوٹیفیکیشن ملا ہے جس کے تحت وزارتِ اطلاعات نے وزارتِ تجارت سے درخواست کی ہے کہ فلم کی برآمد روکی جائے جس کے بعد وزارتِ تجارت نے وفاقی بورڈ آف ریونیو کو ہدایت کی ہے کہ اس فلم کی بیرونِ ملک نمائش پر پابندی عائد کی جائے۔
عاشر عظیم نے اسے سراسر زیادتی قرار دیتے ہوئے کہا ہے کہ کسی بھی قانون کے تحت فلم کی برآمد نہیں روکی جاسکتی کیونکہ ملک کا قانون صرف ملک کے اندر کسی بھی فلم کی نمائش پر پابندی عائد کرنے کا حق حکومت کو دیتا ہے۔انھوں نے کہا کہ فلم سینسر بورڈ کے قانون کے تحت انڈین فلموں کی پاکستان میں نمائش کی ہی نہیں جاسکتی مگر یہی وزارت تقریباً ہر انڈین فلم کو استثنٰی کا سرٹیفیکیٹ جاری کرتی ہے۔ان کا کہنا تھا کہ فلم میں صرف چند سیاستدانوں پر نکتہ چینی کی گئی ہے جس کی بنیاد پر فلم پر پابندی عائد کرنا اور اس حد تک کہ بیرونِ ملک مقیم پاکستانی بھی یہ فلم نہ دیکھ سکیں بہت زیادتی ہے۔فلم ’مالک‘ میں سندھ کے وزیرِ اعلیٰ کو جرائم میں ملوث دکھایا گیا تھا جسے اس کا اپنا محافظ آخر میں قتل کردیتا ہے۔ میڈیا میں اس فلم پر کافی نکتہ چینی کی گئی تھی جس کے بعد اس کا سینسر سرٹیفیکیٹ واپس لینے کا نوٹیفیکیشن لیا گیا تھا۔فلم کے ہدایتکار عاشر عظیم نے اس فیصلے کے خلاف عدالت سے رجوع کر رکھا ہے جبکہ درایں اثنا انھوں نے 26 اگست سیاس فلم کو مشرقِ وسطٰی ، یورپ ، امریکا اور آسٹریلیا سمیت دنیا کے کئی ممالک میں نمائش کے لیے پیش کرنے کا اعلان کیا تھا۔

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



7مئی 2025ء


پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…