لاہور( آن لائن ) لاہور میں مشکوک افراد نے معروف اداکارہ نیلم منیر کو ہراساں کر ڈالا جس پر انہوں نے پولیس کو مدد کے لیے بلا لیا۔ یہ واقعہ اس وقت پیش آیا جب نیلم منیر ڈرامہ سیریل’’کیسی خوشی لے کے آیا چاند‘‘کی ریکارڈنگ کے سلسلے میں سٹوڈیو جارہی تھیں مگر اچانک طبیعت کے خراب ہونے پر وہ گلبرگ ایک پرائیویٹ ہسپتال میں چیک اپ کرانے کے لئے چلی گئیں جہاں دو خواتین اور تین افراد نے انہیں دیکھتے ہی کسی کو موبائل پربتایا کہ ہاں نیلم منیر یہی ہے جس کے بعد وہ تمام لوگ ان کا پیچھا کرتے رہے۔اطلاعات کے مطابق چار لوگ پیچھا کرتے ہوئے ہوٹل میں پہنچ گئے جہاں انہوں نے استقبالیہ سے صدیق کی کہ نیلم منیر یہاں ٹھہری ہوئی ہیں نیلم منیر کو جب پتہ چلا مشکوک افراد ان کا پیچھا کرتے ہوئے ہوٹل میں پہنچ گئے ہیں تو انہوں نے فوراً پولیس کو اطلاع دی پولیس نے مشکوک افراد کی فوٹیج ہوٹل سے لیکر انکوائری شروع کردی نیلم منیر نے بتایا کہ مشکوک افراد کے پیچھا کرنے پر ہوٹل بھی چھوڑ دیا ہے اور اپنی سرگرمیاں بھی محدود کردی ہیں