اسلام آباد(مانیٹرنگ ڈیسک) بھارتی اداکارہ راکھی ساونت کا کہنا ہے کہ پاکستان کے وزیراعظم خواتین کے تحفظ کیلئے بھارتی وزیراعظم سے سیکھیں۔ تفصیلات کے مطابق بھارت کی متنازعہ اداکارہ راکھی ساونت کی جانب سے پاکستانی ماڈل قندیل بلوچ کے قتل کے حوالے سے ردعمل دیا گیا ہے۔
راکھی ساونت کا کہنا ہے کہ قندیل بلوچ کا قتل قابل مذمت ہے۔ خواتین کا قتل عام رکوانے اور ان کے تحفظ کیلئے پاکستانی وزیراعظم کو سنجیدگی سے سوچنا چاہیے۔ اس حوالے سے پاکستان کے وزیراعظم نواز شریف صاحب کو بھارتی وزیراعظم نریندر مودی سے سیکھنا چاہیے جو خواتین کے تحفظ کیلئے سنجیدگی سے اقدامات اٹھا رہے ہیں۔واضح رہئے قند یل بلوچ کے قتل کے بعددنیا بھر سے شدید احتجاج سامنے آیا تھا۔