ممبئی(نیوزڈیسک)سابق حسینہ عالم اوربھارتی فلم انڈسٹر ی کی خوبرو اداکارہ ایشوریا رائے اس وقت حادثے کا شکار ہو گئیں جب وہ پنجاب کے ایک گاﺅں میں شوٹنگ کر رہی تھیں۔بھارتی میڈیا کے مطابق اداکارہ ایشوریا رائے ان دنوں اپنی آنے والی فلم کی شو ٹنگ کے سلسلے میں پنجاب کے ایک گاﺅں میں موجود ہیں ،وہاں انہیں ایک سین کے دوران پتھروں سے بھری ہوئی سڑک پر بھاگنا تھا ۔بھاگتے ہوئے اچانک ایشوریا کی سینڈل ٹوٹ گئی اور وہ توازن برقرار نہیں رکھ سکیں جس کے باعث ان کا پیر مڑ گیا اور وہ زمین پر گر گئیں یہ دیکھ کر وہاں موجود عملہ شدید پریشانی کا شکار ہوگیا ¾ذرائع کے مطابق انہیں ابتدائی امداد کیلئے ہسپتال منتقل کر دیا گیا ہے ۔