ممبئی(نیوز ڈیسک) بالی ووڈ میں سنجو بابا کے نام سے مشہور اداکار سنجے دت جیل سے رہائی کے بعدانڈسٹری کے کنگ شاہ رخ خان سے بغل گیر ہوتے ہی اپنے جذبات پر قابو نہ رکھ سکے اور آبدیدہ ہوگئے۔ b بھارتی میڈیا کے مطابق بالی ووڈ اداکار سنجے دت کی گزشتہ دنوں پونے کی یارواڈا جیل میں ساڑھے 3 سال بعد رہا ئی کے بعد بالی ووڈ کی معروف شخصیات کی ان کے گھر آمد کا سلسلہ جاری ہے ۔ بالی ووڈ کنگ شاہ رخ خان اپنی فلمی مصروفیات کے باوجود سنجے دت سے ملاقات کے
لیے ان کے گھر پہنچے جہاں انہوں نے سنجو بابا کو جادو کی جھپی دی تو وہ جذبات پر قابو نہ رکھ سکے اور آبدیدہ ہوگئے جب کہ دونوں اداکاروں کے درمیان کئی گھنٹے ملاقات جاری رہی جس کے بعد منا بھائی کنگ خان کو خود الوداع کہنے ان کی گاڑی تک آئے ۔واضح رہے کہ اداکار سنجے دت 1993 میں ممبئی حملوں اور غیر قانونی اسلحہ رکھنے کے جرم میں ساڑھے 3 سال قید کاٹی ہے