ممبئی(نیوز ڈیسک) معروف بھارتی فلمساز ابھیشک کپور کا کہنا ہے کہ وہ اداکارہ قطرینہ کیف کے کام کے بہت بڑے مداح ہیں۔ واضح رہے اداکارہ نے حال ہی میں ابھیشک کپور کی نئی آنے والی فلم ”فتور “ میں اداکاری کے جوہر دکھائیں ہیں۔ ابھیشک کپور نے میڈیا سے گفتگو کرتے ہوئے کہا کہ قطرینہ کیف بہترین اداکارہ ہیں انھوں نے فلم کی شوٹنگ کے دوران یہ ثابت کر دیا ہے کہ ان میں فنکارانہ صلاحیتیں کو ٹ کوٹ کر بھری ہوئی ہیں۔انکا کہنا تھا کہ یہی وجہ ہے کہ ناقدین بھی اداکارہ کے کام کے گردیدہ ہیں۔یاد رہے ابھیشک کپور کی فلم ”فتور “ کی کہانی ممتاز ناول نگار چارلس ڈکنز کے شہرہ آفاق ناول ”گریٹ ایکسپیکٹیشنز “ سے ماخوذ ہے۔فتور میں اداکارہ قطرینہ کیف فردوس جبکہ ساتھی اداکار آدتیہ رائے کپور نور کا کردار ادا کرتے نظر آئیں گے۔ابھیشک کپور کی فتور کے دیگرستاروں میں اداکارہ تبو،آدتی راو¿ حیدری ، لارا دتا اور راہول بھٹ کے نام شامل ہیں۔ قطرینہ کیف کی فتور 12فروری کے روز ملک بھر کے سینما گھروں میں نمائش کیلئے پیش کی جائے گی۔