نیو یارک(نیوزڈیسک)امریکی میگزین ” فوربز ” نے دو ہزار پندرہ میں زیادہ کمائی کرنے والی ماڈلز کی فہرست جاری کر دی ہے۔ برازیلی ماڈل گیزل بونچن 4 کروڑ 40 لاکھ ڈالر کما کر سب سے آگے ہیں۔ برازیلی ماڈل بونچن گزشتہ نو برس سے سب سے زیادہ کمائی کرنے والی ماڈلز کی فہرست میں پہلے نمبر پر ہیں۔ دوسرے نمبر پر آنے والی کارا ڈیلونج اور ایڈریانا لیما ہیں۔ دونوں نے نوے نوے لاکھ ڈالر کمائے ہیں۔ تیسرے نمبر پر ہالینڈ کی دوزن کروس ہیں جنہوں نے پچھہتر لاکھ ڈالر کمائے ہیں۔ انیس سالہ امریکی کینڈل جینر چالیس لاکھ ڈالر کے ساتھ آٹھویں نمبر ہیں۔ وہ پہلی بار فوربز کی ماڈلز کی فہرست میں شامل ہوئی ہیں۔