ممبئی(نیوز ڈیسک) بالی ووڈ اداکار شاہد کپور کے والد نے جب اپنے بیٹے کا رشتہ اپنے دوست کی بیٹی میرا کے لئے مانگا تو اسے بخوشی قبول کر لیا گیا۔ شاہد کپور کا شاید یہ خیال ہو گا کہ ان کی بیوی میرا راجپوت ان کی پرستار بھی ہو گی لیکن وہ یہ سن کر حیران رہ گئے کہ میراں ان کی نہیں، سلمان خان کی دیوانی ہیں۔ شاہد کپور نے اس حوالے سے ایک انٹرویو میں کہا کہ شادی سے پہلے ہی میرا انہیں بتا چکی تھیں کہ ان کی بجائے وہ سلمان خان کی فلمیں شوق سے دیکھتی ہیں، انہوں نے مذاق کے طور پر کہا کہ جب تک سلمان خان، شاہ رخ خان اور عامر خان فلم انڈسٹری میں موجود ہیں، میری دال گلنے والی نہیں۔ واضح رہے کہ میرا اور شاہد کپور کی شادی رواں ہفتے ہی ہوئی ہے جب کہ اب دونوں کی شادی کے سلسلے میں گرینڈ پارٹی 12 جولائی کو ہو گی۔