اسلام آباد(نیوزڈیسک)ماڈل ایان کی کتاب اسیر صیاد کیلئے پبلشرز کی لائنیں لگ گئیں،اشاعت کیلئے پاکستان کی تاریخ کی سب سے بڑی پیشکش،بڑے بڑے اداروں نے ایان علی سے ان کی کتاب شائع کرنے کے لئے رابطہ کیا ہے ۔ایک بہت بڑے پبلشنگ ادارے نے انہیں ایسی پیشکش کی ہے جسے پاکستان کی تاریخ کی کسی کتاب کے لئے سب سے بڑی پیشکش قراردیاجارہا ہے ،پبلشنگ ادارے کی شرائط پرایان علی نے کتاب مکمل ہونے تک کوئی بھی جواب دینے سے معذرت کی ہے۔ذرائع نے بتایاہے کہ ماڈل ایان علی اڈیالہ جیل میں اپنی کتاب اسیرصیاد پر کام جاری رکھے ہوئے ہیں ، رمضان المبارک میں عبادت میں زیادہ وقت مصروف ہونے کی وجہ سے کتاب کوزیادہ وقت نہیں دے پارہی ہیں،کتاب میں انھوں نے اپنے بچپن سے لیکر لڑکپن اور اس کے بعد کے واقعات بھی بیان کیے ہیں اور خاص طور پر گزشتہ 5سے 10سال کے حالات زندگی کے بارے میں خصوصی طورپرواقعات کاتذکرہ بھی کتاب کاحصہ ہو گا۔