ممبئی (نیوز ڈیسک) بالی ووڈ اداکارہ مونیکا بیدی نے سابق بوائے فرینڈ اور مبینہ شوہر ابوسالم کی ممبئی کی حسینہ سے شادی پر انہیں مبارکباد پیش کی ہے۔ انڈرورلڈ سے تعلق رکھنے والے ابو سالم نے چند روز قبل ایک ایسی خاتون سے شادی کیلئے حامی بھری تھی، جس کا نام ایک ٹیبلائیڈ نے ابوسالم کے نام کے ساتھ جوڑنے کی کوشش کی تھی۔ خاتون نے عدالت سے استدعا کی تھی کہ وہ بدنام ہوچکی ہیں، اس لئے ابوسالم سے کہا جائے کہ اب وہی ان سے شادی کرے جس پر ابوسالم رضامند ہوگئے۔ مونیکا بیدی ابو سالم سے تعلقات کے سبب جیل میں سزا بھی کاٹ چکی ہیں۔