ممبئی (نیوز ڈیسک) بالی ووڈ اداکار سلمان خان کی فلم بجرنگی بھائی جان کا ٹائٹل تنازع کا باعث بن گیا جس کیخلاف ہندو قوم پرست گروپوں نے احتجاج شروع کردیا ہے۔بھارتی اخبار کے مطابق ہندوستان کا ایک قوم پرست گروپ وشوا ہندو پریشد نے حال ہی میں سلمان خان کی فلم بجرنگی بھائی جان کے خلاف احتجاج کیا اور اس فلم کا نام کو تبدیل کرنے کا مطالبہ کیا۔خبروں کے مطابق گروپ کے ممبران کا کہنا ہے کہ فلم کا نام مذہبی اعتبار سے ٹھیک نہیں اور لفظ بھائی جان کو بدلنا چاہئے ایسا نہ ہونے پر ہندوستان میں فلم کی اسکریننگ روک دی جائے گی۔خبروں کے مطابق اداکار سلمان خان، فلم کے ہدایت کار کبیر خان اور پروڈکشن کمپنی یش راج کو اس کے خلاف نوٹس بھی بھجوایا گیا ہے۔فلم ’بجرنگی بھائی جان‘ میں سلمان خان بجرنگ بالی کے جانثار کا کردار ادا کر رہے ہیں جو کہ ایک پاکستانی بچی کو اس کے گھر پہنچانے کی زمہ داری اٹھاتا ہے۔فلم اس سال 15 جولائی کو سینماءگھروں میں نمائش کےلئے پیش کی جائے گی۔