ممبئی (نیوز ڈیسک) بالی ووڈ کے متعدد ابھرتے اداکاروں کی خواہش ہوتی ہے کہ وہ سلمان، عامر اور شاہ رخ خان کےساتھ کام کریں مگر نئے اداکار ٹائیگر شروف ان تینوں خان کےساتھ کام کرنے میں کوئی دلچسپی نہیں رکھتے۔ایک تقریب میں ٹائیگر شروف سے پوچھا گیا کہ وہ بالی ووڈ کے کس خان کےساتھ کام کرنا چاہیں گے تو انہوں نے کہا کہ وہ کسی کےساتھ بھی کام کرنے کا شوق نہیں رکھتے ، انہوں نے کہا کہ اگر میں ان کےساتھ کام کرونگا تو شائقین کی ساری توجہ ان کی جانب ہوگی جبکہ مجھے کوئی نہیں دیکھے گا۔ٹائیگر شروف اس وقت فلم باغی میں اداکاری کر رہے ہیں جن میں ان کےساتھ اداکارہ شردھا کپور بھی اداکاری کے جوہر دکھا رہی ہیں۔