لاہور(نیوز ڈیسک) پاکستانی فلم اور ٹی وی اداکارہ ماہرہ خان کی فلم” بن روئے “عید پر بھارت میں ریلیز کرنے کی تیاریاں کی جا رہی ہیں۔ ہم ٹی وی نیٹ ورک کی پروڈکشن بن روئے میں ماہرہ خان اور ہمایوں سعید نے مرکزی کردار نبھائے ہیں۔ فلم عید پر پاکستان میں بھی ریلیز کی جائے گی۔ ہم ٹی وی نیٹ ورک نے بھارتی نیٹ ورک بی فار یو کے ساتھ مل کر فلم کو بھارت، امریکہ، لندن اور دنیا کے بہت سے دیگر ملکوں میں ریلیز کرنے کا فیصلہ کیا ہے۔ ماہرہ خان ان دنوں بالی ووڈ میں شاہ رخ خان کے مقابل فلم رئیس میں ادکاری کر رہی ہیں۔ اس سے قبل ان کا ڈرامہ ہمسفر پاکستان کے بعد بھارت میں بھی دھوم مچا چکا ہے اور فلم کی ریلیز سے قبل ہی ان کے بھارت میں بھی لاکھوں پرستار بن چکے ہیں۔بن روئے میں زیبا بختیار، جاوید شیخ اور جنید خان نے بھی اہم کردار نبھائے ہیں۔ فلم میں عابدہ پروین اور راحت فتح علی خان نے اپنی آواز کا جادوجگائیں گے