ممبئی (نیوز ڈیسک) بالی وڈ اداکار ہریتک روشن اپنے بیٹوں کے ساتھ مگر مچھ کے شکار کے لئے جنوبی افریقہ چلے گئے۔ ہریتک روشن اپنے بیٹوں ہری ہن اور ہری دھن کے ہمراہ چھٹیاں منانے جنوبی افریقہ گئے ہیں جہاں وہ مگر مچھ کا شکار بھی کریں گے۔ ہریتک نے اپنے بیٹوں کے ہمراہ تصاویر بھی سوشل میڈیا پر جاری کی ہیں اور کہا ہے کہ میرے بیٹے مجھ سے بہتر شکار کرتے ہیں ۔ یاد رہے کہ ہریتک کی اپنی اہلیہ سوزانے سے شادی کے بارہ سال بعد 2013ءمیں علیحدگی ہو گئی تھی۔ ان کی آخری فلم بینگ بینگ تھی جو گزشتہ سال ریلیز ہوئی۔ یہ فلم ہالی وڈ فلم نائٹ اینڈ ڈے کا ہندی ورژن تھی۔