کراچی (نیوز ڈیسک) فلمسٹار ثناءنے ڈاکٹروں کی عالمی تنظیم ” اپنا “ کے ہمراہ کراچی کے ہسپتالوں میں زیر علاج مریضوں کی عیادت کی ۔ تفصیل کے مطابق اداکارہ ثناءجو ڈاکٹروں کی انٹرنیشنل تنظیم ” اپنا “ کی ایمبسڈر بھی ہیں نے گزشتہ روز امریکہ سے آئے اور پاکستانی ڈاکٹروں کے ہمراہ کراچی میں گرمی ، لو اور لوڈ شیڈنگ سے متاثرہ مریضوں کی قطر ہسپتال سمیت مختلف ہسپتالوں میں عیادت کی ۔ اس موقع پر ثناءنے مریضوں کو گلدستے اور منرل واٹر کی بوتلیں بھی دیں اور ان کی جلد صحت یابی کے لئے دعا بھی کی ۔