لاہور(نیوز ڈیسک) اداکارہ سعدیہ امام نے کہا ہے کہ شوبز میں ان کی آمد ایک اتفاق کے ذریعے ہوئی’ میں نے کبھی سوچا بھی نہیں تھا کہ میں شوبز کی دنیا میں آﺅں گی۔ میری بڑی بہن عالیہ امام ریڈیو اور ٹی وی پر کام کرتی تھی’ ایک دن ٹی وی پر پروگرام کی ریکارڈنگ تھی عالیہ مجھے ٹی وی اسٹیشن لے گئی جہاں پر آپا نبیلہ نے میرے اندر چھپی صلاحیتوں کو پرکھتے ہوئے مجھے ٹی وی پر کام کرنے کی پیشکش کی۔ سعدیہ امام نے کہا کہ میں آج بھی آپا نبیلہ کی احسان مند ہوں جنہوں نے مجھے عام سی لڑکی کو سٹار بنا دیا۔