کراچی(نیوز ڈیسک) ماڈل و اداکارہ سدرہ جبار نے کہا ہے کہ ڈرامہ سیریل” بہکے قدم “میں ماریہ واسطی ، شہود علوی و دیگر کے ساتھ کام کرکے بہت کچھ سیکھنے کا موقع ملا ہےماریہ واسطی کے ساتھ اہم کردار ملنا ہم جیسے نئے آنیوالوں کیلئے نہ صرف اعزاز ہے بلکہ یہ کسی چیلنج سے بھی کم نہیں ، شمعون عباسی کی آمد سے سیریل میں نئی جان پڑ گئی ہے۔
ان خیالات کا اظہار انہوں نے گزشتہ روز مذکورہ سیریل کے سیٹ پرنجی ٹی وی سے گفتگو کرتے ہوئے کیا۔انہوں نے کہا کہ صبا قمر میری آئیڈل ہیں، ان کے ساتھ کام کرنے کی خواہش ہے ، فیشن انڈسٹری میں کام مل رہا ہے ، ماڈلنگ کرکے اپنی منفرد شناخت بنانے کی خواہش مند ہوں۔ برائیڈل شوز میں جو پذیرائی ملی اس کے لئے فیشن انڈسٹری کے لوگوں کی مشکور ہوں۔ انکا کہنا تھا کہ ذاتی طور پر فیشن اور ٹی وی انڈسٹری میری اولین ترجیح ہے ، ٹی وی ہدایتکار نین منیار اور دیگر کی مشکور ہوں کہ انہوں نے مجھے شناخت دی ، فنکارانہ صلاحیتوں کے ذریعے شوبز انڈسٹری میں نمایاں مقام پانے کی جدوجہد میں مصروف ہوں۔