لاس ویگاس (نیوز ڈیسک ) ہالی وڈ اداکارہ برٹنی سپیرئز تنازعوں کی وجہ سے شہرت حاصل کرنے میں کوئی ثانی نہیں رکھتیں۔اس کی تازہ ترین مثال ایک روز قبل لاس ویگاس میں ایک کنسرٹ کے دوران دیکھنے کو ملی جب گلوکارہ نے اپنے ایک مداح سٹیج سے ہی گالیوں سے نواز ڈالا۔
سپیئرز کے ایک مداح کی جانب سے انسٹاگرام پر اپ لوڈ کی گئی اس ویڈیو سے کنسرٹ کے دوران پیش آنے والے اس پورے واقعے کا جائزہ لیا جاسکتا ہے۔ ویڈیو میں دکھایا گیا ہے کہ سپئیرز ایک گانے کے دوران اپنے پرستاروں سے بات کر رہی ہیں پھر وہ پلٹ کے گانے کیلئے سٹیج کے مرکزی حصے کی جانب بڑھتی ہیں تو کوئی انہیں موٹا کہتا ہے۔ ویڈیو کلپ میں وہ شخص یا اس کی آواز تو سنائی نہیں دیتی ہے تاہم برٹنی کا جواب پورے آڈیٹوریئم میں سنا گیا جب انہوں نے مذکورہ شخص کو فحش گالی سے نوازا۔ اس کے فوری بعد برٹنی سٹیج پر دوبارہ ایسے گانا گانے لگیں جیسے کہ کچھ ہوا ہی نہیں۔ برٹنی کے کچھ مداحوں نے کنسرٹ کے بعد دعویٰ کیا کہ برٹنی نے گالی واحد نہیں بلکہ جمع کے صیغے میں دی تھی جس کا مطلب یہ ہے کہ وہ وہاں آڈیٹوریم میں موجود تمام افراد کو گالیاں دے رہی تھیں۔ برٹنی کے بارے میں یہ بھی مشہور ہے کہ وہ سٹیج پر پرفارمنس کے دوران ہی نقلیں بھی اتارتی ہیں، تاہم ان کے منیجر گلوکارہ کی اس حرکت کو ان کی عادت قرار دے کے جان چھڑاتے رہے ہیں تاہم مذکورہ واقعے سے اتنی آسانی سے خلاصی ملتی دکھائی نہیں دیتی ہے کیونکہ ان کے مداح گلوکارہ کے رویئے پر سخت برہم ہیں۔