نئی دہلی(نیوز ڈیسک) بالی وڈ اداکارہ سنی لیون نے کہا ہے کہ انہیں اپنے ماضی کے باعث بالی وڈ میں کسی ایوارڈ کےلئے اپنی نامزدگی یا ایوارڈ ملنے کی کوئی توقع نہیں ہے۔نجی ٹی وی کے مطابق 33 سالہ اداکارہ نے اپنے حالیہ انٹرویو میں کہا کہ انڈسٹری میں بہت سے ایسے لوگ ہیں جو انہیں پسند نہیں کرتے اور وہ نہیں چاہتے کہ انہیں ایوارڈ دیا جائے۔ اداکارہ نے کہا کہ مجھے ایوارڈز کی تقریبات میں جانا اچھا لگتا ہے اور ڈینیئل ویبر بھی ایوارڈز شو میں شریک ہونا پسند کرتے ہیں۔ اداکارہ نے کہا کہ دوسرے اداکاروں کو ایوارڈز حاصل کرتے دیکھ کر انہیں خوشی ہوئی ہے اور انہوں نے ایوارڈ کےلئے نامزدگی یا ایوارڈ جیتنے کے بارے میں کبھی حسد نہیں کیا۔