ممبئی (نیوز دیسک)ترکی کے سفیر نے مسٹر پرفیکشئنسٹ عامر خان کو نئی فلم کیلئے ترکی جانے کی پیش کش کی ہے۔عامر خان جن کی نئی آنے والی فلم ”دنگل“ ترکی کے سفیر کی توجہ کا مرکز بنی اور انہوں نے عامر خان کو پیشکش کی ہے کہ وہ اس فلم کو ترکی میں شوٹ کر یں۔ لیکن عامر خان کی طرف سے ابھی اس پیش کش کو قبول نہیں کیا گیا ہے۔اپنے ہندوستان کے دورے کے دوران ترکی سفیر نے خواہش ظاہر کی عامر خان سے ملاقات کی اور اسی ملاقات میں انہوں نے نہ صرف یہ پیش کش کی بلکہ بھارتی اداکار کوشوٹنگ کے دوران ترکی میں اپنے پورے تعاون کا یقین بھی دلایا۔ترکی سفیر جو عامر خان کے مداح بھی ہیں کا کہنا ہے کہ ریسلنگ نہ صرف ترکی میں بڑے پیمانے پر کھیلا جاتا ہے بلکہ ترکی کا تاریخی کھیل بھی ہے۔لیکن بالی وڈ کے خان اس بارے میں کرتے ہیں کیا فیصلہ، اس کا عوام کو انتظار رہے گا۔