ممبئی (نیوز ڈیسک) بالی وڈ اداکار عامر خان اور اداکارہ شردھا کپور نے نئی فلم ”مارگریٹ ود اے سٹرا“ کی تعریف کی ۔ بھارتی ذرائع ابلاغ کے مطابق عامر خان اور ان کی اہلیہ کرن راﺅ نے فلم کی خصوصی سکریننگ کا انعقاد کیا جس میں انہوں نے فلم نگری کے قریبی دوستوں کو مدعو کیا۔ فلم کی سکریننگ کے بعد عامر نے فلم کا ٹریلر ٹوئٹر پر ٹویٹ کرتے ہوئے کہا کہ کافی عرصے کے دوران دیکھی جانے والی فلموں میں سب سے بہترین فلم ہے۔ شردھا کپور نے اس موقع پر کہا کہ یہ فلم خوبصورت ‘ دل کو گرما دینے والی اور مزاح سے بھرپور ہے جو شائقین کو ضرور پسند آئے گی۔