ممبئی (نیوز ڈیسک) بالی وڈ کی بیباک فلموں میں اپنے انداز سے حسیناﺅں کے دل چرانے والے عمران ہاشمی کو بچپن سے ہی چور بننے کا شوق تھا تاہم وہ دل نہیں بلکہ پیسوں اور قیمتی سامان کے چور بننا چاہتے تھے۔ عمران ہاشمی جو ان دنوں فلم مسٹر ایکس میں ایسے شخص کا کردار نبھا رہے ہیں جسے انسانی آنکھ دیکھنے سے قاصر ہے۔ اس کردار کے حوالے سے بات چیت کرتے ہوئے عمران نے کہا کہ اگر وہ سچ مچ میں دوسروں سے خود کوچھپا لینے کی صلاحیت رکھتے تو وہ بینک لوٹتے جو کہ ان کے بچپن کا خواب ہے۔ انہوں نے کہا کہ انہوں نے اپنے بچپن کا طویل عرصہ اس بارے میں سوچنے اور منصوبہ بندی پر صرف کیا ہے۔ اب اس فہرست میں مکیش بھٹ جو کہ ان کے انکل بھی ہیں ، شامل ہوچکے ہیں تاہم بینک میں یقینی طور پر ان کے انکل کی جیب سے زیادہ پیسے ہوں گے اس لیئے بینک لوٹنا اب بھی ان کی دلی خواہش ہے۔