ممبئی(نیوز ڈیسک) بالی ووڈ کے معروف اداکار اور اسٹنٹ کے ماہر سمجھے جانے والے اکشے کمار نے کہا ہے کہ وہ ہمیشہ صرف کاروباری مقاصد کیلئے بنائی گئی فلموں میں کام کرنے کو ترجیح دیتے ہیں۔
بھارتی میڈیا کے مطابق اکشے کمار نے کہا کہ وہ معاشرتی برائیوں اور مسائل کو اجاگر کرنے والی فلموں کے بجائے ہمیشہ کاروباری مقاصد کے لئے بنائی جانے والے فلموں میں کام کرتے ہیں۔ ان کا کہنا تھا کہ بطور اداکار وہ منفرد موضوعات پر بنائی جانے والی فلموں میں کام کرنے کو ترجیح دیتے ہیں جیسے فلم ”او ایم جی“ اور ”او مائی گوڈ“ مذہب کو بنیاد بنا کر بنائی گئیں، فلم ”بے بی“ دہشت گردی کے موضوع پر بنائی گئی جب کہ ان کی نئی آنے والی فلم ”گبر از بیک“ کرپشن کے موضوع پر بنائی گئی ہے جو ان کے مداحوں کو بہت پسند آئے گی۔