ممبئی(نیوز ڈیسک)بالی وڈ اداکارہ سوناکشی سنہا اور پریانکاچوپڑہ نے تاحال بالی وڈ میں کبھی بھی ایک ساتھ کام نہیں کیا ہے، دونوں ایک ساتھ محض اشتہاروں اور ایوارڈ فنکنشن وغیرہ میں ہی بس دکھائی دی ہیں۔ دونوں کو آخری بار گزشتہ برس کے آئیفا ایوارڈز کے موقع پر ساتھ دیکھا گیا تھا اوراس وقت سوناکشی سنہا اور پریانکا چوپڑہ ایک دوسرے کے ساتھ خاصی مطمئن اور خوش دکھائی دے رہی تھیں تاہم اب معلوم ہوا ہے کہ سوناکشی سنہا ، اداکارہ پریانکا کے ساتھ کسی فلم میں کام کرنے کو تیار نہیں ہیں۔ سوناکشی سنہا کو حال ہی میں ایک فلم میں کام کی پیشکش کی گئی تھی تاہم یہ جاننے پر کہ اسی فلم کے ایک اور کردار کی ادائیگی میں پریانکاچوپڑہ دلچسپی لے رہی ہیں، سوناکشی نے کام سے انکار کردیا۔ دونوں کے بیچ بظاہر اختلافات نہ ہونے سے ایسا محسوس ہوتا ہے کہ سوناکشی سنہا، پریانکا چوپڑہ کو اپنے لئے خطرہ محسوس کرتی ہیں اور انہیں ایسا محسوس ہوا کہ ان کی موجودگی ان کی شخصیت دب جائے گی، اسی لئے انہوں نے ساتھ فلم سے ہی انکار کردیا۔