کراچی (نیوز ڈیسک)بالی وڈ اداکارہ و ہدایتکارہ پوجا بھٹ اور مشہور فلمساز و ہدایتکار اور ان کے والد مہیش بھٹ کراچی میں ہونے والے تھیٹر اینڈ فلم فیسٹیول میں شرکت کیلئے کراچی پہنچ گئے ہیں۔ اس تھیٹر میں پوجا بھٹ کی فلم ڈیڈی کے حوالے سے سٹیج پر پرفارمنس بھی دی جائے گی۔ اس موقع پر میڈیا سے بات چیت کرتے ہوئے پوجا بھٹ نے کہا ہے کہ کراچی اداکاری کرنے نہیں بلکہ شاپنگ کرنے آتی ہوں۔ یہاں کے شاپنگ سینٹرز میں گھومنے کا اپنا ہی مزہ ہے۔ آئندہ بھی جب جب موقع ملا تب تب ضرور پاکستان آئین گے۔ اس موقع پر مہیش بھٹ نے کہا کہ فن کی کوئی سرحد نہیں ہوتی ہے اور میری دلی تمنا ہے کہ پاکستان اور بھارت کے بیچ دوستانہ تعلقات قائم ہوں تاکہ دونوں ممالک کے بیچ فنکاروں کا تبادلہ ممکن ہوسکے۔