ممبئی(نیوز ڈیسک) بالی وڈ اداکارہ کنگنا رناوت نے کہا ہے کہ انکے معیاری کام کی وجہ سے مداحوں کی ان سے توقعات بڑھ گئی ہیں۔ بھارتی ذرائع ابلاغ کے مطابق بالی وڈ اداکارہ کنگنا رناوت نے اپنے حالیہ انٹرویو میں کہا کہ فلم ” کوئین ” کے بعد انکی مقبولیت میں بے پناہ اضافہ ہوا اور فلمساز انہیں دھڑا دھڑ سائن کرنا چاہتے ہیں۔ ان کے مداحوں کی بھی ان سے توقعات بڑھ گئی ہیں ۔ وہ پراعتماد ہیں کہ وہ مداحوں کی توقعات پر آئندہ بھی پورا اترتی رہیں گی اور اپنی جدوجہد جاری رکھیں گی۔ اداکارہ کی نئی فلم ” تینو ویڈز مینو” ہے جو جلد ہی سینما گھروں میں نمائش کیلئے پیش کی جائیگی۔