اسلام آباد(نیوز ڈیسک)بالی ووڈ فلمساز کرن جوہر کی نئی فلم میں ایشوریا رائے بچن اور انوشکا شرما ایک ساتھ نظر آئیںگی۔ ایوارڈ شو کی تقریب میں میڈیا سے گفتگو کرتے ہوئے کرن جوہر نے کہا کہ بالی ووڈ کے کئی سٹارز نے ایک ساتھ کام کیا ہے مگر انوشکا اور ایشوریا رائے کو اب تک ایک ساتھ کام کرنے کا موقع نہیں ملا ہے، انہوں نے کہا کہ میں بہت بے صبری سے فلم کا انتظار کررہا ہوں، فلم میں سٹائل اور فیشن پر بہت کام کیا گیا ہے ، انہوں نے کہا کہ مجھے پوری امید ہے کہ یہ فلم دیکھنے والوں کے دل میں جگہ بنا لے گی۔