ممبئی (نیوز ڈیسک) بالی ووڈ اداکارہ ودیا بالن اپنی نئی فلم میں اداکارہ سچترا سین کا کردار ادا کرینگی۔ بھارتی فلم ذرائع کے مطابق ودیا بالن نے عمران ہاشمی کے ساتھ گزشتہ ہفتے اپنی فلم کی شوٹنگ مکمل کرا لی ہے اور ان کو ساتھ ہی چار نئی فلموں کے سکرپٹ موصول ہوئے ہیں جن میں سے دو سکرپٹ سچترا سین اور متحرمہ بے نظیر بھٹو کی زندگیوں پر بنائے جانے والی فلموں کے ہیں۔ ودیا نے سچترا سین کی سوانح کے بارے پراجیکٹ پر آمادگی ظاہر کر دی ہے۔ سچترا سین کا کردار نبھانے کیلئے ودیا بالن کو کتھک ڈانس سیکھنا ہو گا جس کیلئے لکھنو سے استاد جیورمن کا انتخاب کیا گیا ہے جو ودیا کو آئندہ ماہ فلم کی شوٹنگ شروع ہونے سے قبل دو ہفتوں میں کتھک سکھائیں گے۔