ممبئی (نیوز ڈیسک) بالی ووڈ کی تیزی سے ابھرتی ہوئی خوبرو اداکارہ عالیہ بھٹ آج اپنی 22 ویں سالگرہ منا رہی ہیں۔ بھولی سی صورت ، شرارتی ادائیں اور آنکھوں میں مستی ، بالی ووڈ کی چلبلی اداکارہ عالیہ بھٹ نے فلمی کیرئیر کا آغازفلم ”سنگھرش“ میں چائلڈ سٹار سے کیا ، فلمساز مہیش بھٹ کی بیٹی اور پوجا بھٹ کی بہن عالیہ بھٹ نے دو ہزار بارہ میں پہلا مرکزی کردار فلم ”سٹودنٹ آف دی ائیر” میں ادا کیا۔ دو ہزار چودہ میں عالیہ بھٹ نے ”ہائی وے“ میں شاندار اداکاری کیساتھ گلوکاری بھی کر ڈالی۔ اسی سال عالیہ بھٹ نے ٹوسٹیٹ اور ہمٹی شرما کی دلہنیا جیسی کامیاب فلمیں اور متعدد ایوارڈز اپنے نام کیے۔