ممبئی (نیوز ڈیسک) خواتین کے بارے میں تو مشہور ہے کہ وہ اپنی عمر کے بارے میں کافی محتاط ہوتی ہیں اور اصل عمر بتانے سے گریز کرتی ہیں لیکن بالی ووڈ کے مسٹر پرفیکٹ بھی خود کو کم عمر ہی تصور کرتے ہیں۔اپنی سالگرہ تقریب سے قبل ایک ٹی وی چینل سے گفتگو کرتے ہوئے عامر خان کا کہنا ہے کہ وہ ابھی تک صرف 18برس کے ہیں۔ جب عامر سے سوال کیا گیا کہ ان کی حالیہ فلم ’’ پی کی‘‘ کی شاندار کامیابی کے بعد کیا انھیں لگتا ہے کہ وہ اپنے کیریئر کے عروج پر پہنچ چکے ہیں۔ تو عامر خان کا کہنا تھا کہ ’’ ابھی تو میں صرف 18سال کا ہوں اور میرے نزدیک ’’ عروج‘‘ کا مطلب ہے کہ اب ا?پ کا زوال ہونے والا ہے لہذا میرا یہی خیال ہے کہ میں ابھی اپنے کیریئر کی بلندیوں پر نہیں ہوں ‘‘۔واضح رہے کہ مسٹر پرفیکٹ کے نام سے مشہور عامر خان کی فلم’’ پی کے‘‘ بالی ووڈ میں بلاک بسٹر ثابت ہوئی اور اب وہ فلم ’’دنگل‘‘ میں ایک باکسر کا کردار نبھانے کی تیاریوں میں مصروف ہیں۔
