لاہور(نیوزڈیسک) پاکستانی اداکار ، فواد خان نے بالی وڈ و لالی وڈ میں اپنی شہرت کا مثبت استعمال کرتے ہوئے امریکہ اور کینیڈا میں فلاحی مقاصد کیلئے دورے کا فیصلہ کیا ہے۔ ان کا موجودہ دورہ پشاور میں قائم ہونے والے کینسر ہسپتال شوکت خانم کینسر ہسپتال کی تعمیر کیلئے چندہ اکھٹے کرنے کی خاطر ہے۔ فلم خوبصورت سے بالی وڈ میں خود کو منوانے والے فواد کے بارے میں معلوم ہوا ہے کہ وہ اور ان کی اہلیہ ہر سال امریکہ اور کینیڈا فلاحی مقصد کیلئے جاتے ہیں کیونکہ ان دونوں ممالک میں فواد کے چاہنے والوں کی بہت بڑی تعداد موجود ہے۔ ان ممالک میں مختلف پروگرامز میں شرکت سے فواد حاصل ہونے والی آمدنی کابڑا حصہ وہ پاکستان کے فلاحی اداروں کو دے دیتے ہیں،رواں برس کے دورے سے ہونے والی آمدنی کا بڑا حصہ عمران خان کے شوکت خانم میموریل ہسپتال کو دیئے جانے کا امکان ہے