بیجنگ (این این آئی)پیپلز لبریشن آرمی سے منسلک اعلی چینی تحقیقی اداروں نے فوجی سروسز میں جدت لانے کیلئے اے آئی ٹول تیار کیا ہے۔ میڈیا رپورٹس کے مطابق پیپلز لبریشن آرمی (پی ایل اے)سے منسلک اعلی چینی تحقیقی اداروں نے میٹا کے عوامی طور پر دستیاب لاما ماڈل کا استعمال کرتے ہوئے فوجی ایپلی کیشنز کیلئے اے آئی ماڈل تیار کیا ہے۔
تین چینی اداروں کے 6محققین جن میں پی ایل اے کے سرکردہ تحقیقی ادارے اکیڈمی آف ملٹری سائنس (اے ایم ایس)کے تحت دو شامل ہیں نے تفصیل سے بتایا کہ کس طرح انہوں نے میٹا کے لاما کے ابتدائی ورژن کو ایک بنیاد کے طور پر استعمال کیا جوChatBITکہلاتا ہے۔ محققین نے Llama 2 13Bلارج لینگوئج ماڈل (ایل ایل ہم)کا استعمال کیا جسے میٹا نے فروری 2023ء میں جاری کیا۔ محققین نے انٹیلی جنس کو اکٹھا کرنے اور اس پر کارروائی کرنے کیلئے فوجی توجہ مرکوز کرنیوالے اے آئی ٹول کی تعمیر کیلئے اپنے پیرامیٹرز کو شامل کیا اور آپریشنل فیصلہ سازی کیلئے درست اور قابل اعتماد معلومات اے آے ماڈل کو فیڈ کیں۔
