اسلام آباد (این این آئی)وزیراعظم عمران خان نے 6 مہینے میں الیکٹرانک ووٹنگ مشینیں خریدنے کی ہدایت کی ۔ذرائع کے مطابق وزیراعظم نے الیکٹرانک ووٹنگ سسٹم کیلئیقانونی اورتکنیکی انتظامات مکمل کرنے کیلئے ڈیڈلائن مقرر کردی ہے تاہم کابینہ ارکان نیالیکٹرانک ووٹنگ سسٹم کی
سیکیورٹی پرتحفظات کا اظہار کیا ۔ذرائع کے مطابق ارکان نے کہا کہ الیکٹرانک ووٹنگ سسٹم کی ہیکنگ سے نتائج تبدیل کیے جاسکتے ہیں، کینیا اور گھانا میں الیکٹرانک ووٹنگ سسٹم کی ہیکنگ کے واقعات رونما ہوچکے ہیں۔ذرائع کے مطابق وزیراعظم نے بیرون ملک مقیم پاکستانیوں کوآرڈیننس کے ذریعے ووٹنگ کاحق دینے کی ہدایت کی۔وزیراعظم نے الیکشن کمیشن کی مشاورت سے ایک ماہ میں الیکٹرانک ووٹنگ مشین کی قِسم کو حتمی شکل دینے کی بھی ہدایت کی جبکہ مشیرپارلیمانی امور کو 1 ماہ میں ووٹنگ مشین کیلئے متعلقہ قوانین میں ترمیم کی ہدایت کی۔ذرائع کے مطابق وزارت انفارمیشن ٹیکنالوجی نے الیکٹرانک ووٹنگ سسٹم کیلئے کنسلٹنٹ کی خدمات حاصل کرلی ہیں، کنسلٹنٹ الیکٹرانک ووٹنگ سسٹم کی سیکیورٹی و ڈیزائن پر ایک ماہ میں سفارشات پیش کرے گا۔
