اسلام آبا د(این این آئی)وفاقی وزیر سائنس اینڈ ٹیکنالوجی فواد چوہدری نے کہا ہے کہ ڈرون پالیسی تاریخی اہمیت کا مسودہ ہے۔وفاقی وزیر فواد چوہدری نے میڈیا سے گفتگو کرتے ہوئے کہا کہ پاکستان میں 2003 سے ڈرون بنانے کی صلاحیت ہے، پوری دنیا میں زراعت ڈرون پر منتقل ہورہی ہے،

فصلوں کی مانیٹرنگ، اسپرے ڈرون پر منتقل ہوچکی ہے۔فواد چوہدری نے کہا کہ ضروری ہے ڈرون کی تیاری پاکستان میں شروع کی جائے، ڈرون اتھارٹی کا مقصد اداروں کو ایک چھت تلے لانا ہے۔انہوں نے کہا کہ زراعت کی بہتری کے لیے ماڈرن فارمنگ پر جانا ہوگا، زراعت کی بنیاد ٹیکنالوجی پر رکھنا ہوگی۔