اتوار‬‮ ، 06 اپریل‬‮ 2025 

سام سنگ نے نئے فون گلیکسی نوٹ 20 کے اشتہار میں ایپل کے آئی فون 12 کا خوب مذاق اڑایا

datetime 27  اکتوبر‬‮  2020
ہمارا واٹس ایپ چینل جوائن کریں

اسلام آباد (مانیٹرنگ ڈیسک) امریکہ کی ٹیکنالوجی کمپنی ایپل نے چند روز قبل اپنے آئی فون 12 کی لائن اپ لانچ کی تھی اور ایپل کمپنی کی جانب سے پیش کئے گئے چاروں نئے فونز کے ساتھ چارجر اور ائیر پوڈز دستیاب نہیں تھے۔ نجی ٹی وی چینل کی رپورٹ کے مطابق سوشل میڈیا پر آئی فون 12 کے لانچ کے بعد ایک نئی بحث کا آغاز ہو گیا تھا کہ پہلے سے مہنگے فون کے ساتھ چارجر

اور ائیرپوڈز نہ ہونا عجیب بات ہے۔ اب سام سنگ نے جو معروف کورین ٹیکنالوجی کمپنی ہے نے بھی سوشل میڈیا پر اپنے نئے فون کی تشہیر کے موقع پر ایپل کا مذاق اڑایا ہے اور اپنے نئے فون کی تشہیر کرتے ہوئے پوسٹ میں درج کیا ہے کہ ہم چیزیں الگ الگ نہیں بیچتے، ہم چارجر اور ہیڈفونز دونوں ڈبے کے ساتھ بغیر کسی اضافی قیمت کے بیچتے ہیں۔ اس تشہیری پوسٹ کو دیکھنے کے بعد اندازہ ہوتا ہے کہ کورین کمپنی سام سنگ ایپل کمپنی کو چارجر اور ائیر پوڈز نہ دینے پر ان کا مذاق اڑا رہی ہے۔واضح رہے کہ کوریا کی معروف ٹیکنالوجی کمپنی سام سنگ نے گزشتہ دنوں پاکستان میں اپنے مختلف سمارٹ فونز کی قیمتوں میں کمی کا اعلان کیا تھا جس کے باعث صارفین بھی سام سنگ سے خاصے خوش دکھائی دے رہے ہیں۔ سام سنگ دنیا میں سب سے زیادہ سمارٹ فونز فروخت کرنے والی کمپنی ہے اور پاکستان میں بھی اس کی ڈیوائسز کو بہت زیادہ پسند کیا جاتا ہے۔ سماجی رابطے کی ویب سائٹ ٹوئٹر پر سام سنگ کی جانب سے مختلف فونز کی قیمتوں میں کمی کا اعلان کیا گیا جس کے تحت گلیکسی اے 51، گلیکسی اے 11، گلیکسی اے 10 ایس اور گلیکسی ایم 11 کی قیمتوں میں کمی کی گئی ہے۔ کمپنی کے مطابق گلیکسی اے 51 کے 6 جی بی ریم والا ورژن اب 53 ہزار 999 روپے کی بجائے 49 ہزار 999 روپے میں دستیاب ہوگا جبکہ 8 جی بی ریم والے ماڈل کی قیمت 57 ہزار 999 روپے

کی بجائے 54 ہزار 999 روپے کردی گئی ہے، اس طرح دونوں ورژن کے سمارٹ فونز میں میں 3 ہزار روپے کی کمی کی گئی ہے۔اسی طرح گلیکسی اے 11 کی قیمت میں 2 ہزار روپے کمی کی گئی ہے اور اب یہ 20 ہزار 999 روپے کی بجائے 18 ہزار 999 روپے میں دستیاب ہو گا۔ یہ بنیادی طور پر کمپنی کا انٹری لیول سمارٹ فون ہے جس میں 1.8 گیگا ہرٹز

پراسیسر، 6.4 انچ ٹی ایف ٹی ڈسپلے، 2 جی بی ریم اور 32 جی بی اسٹوریج دی گئی ہے۔ گلیکسی اے 10 ایس کی قیمت 3 ہزار روپے کمی سے اب 19 ہزار 999 روپے کی بجائے 16 ہزار 999 روپے ہوگئی ہے جبکہ گلیکسی ایم 11 کی قیمت میں بھی 3 ہزار روپے کمی کی گئی ہے اور اب یہ 27 ہزار 999 روپے کی بجائے 24 ہزار 999 روپے میں دستیاب ہوگا۔

موضوعات:



کالم



زلزلے کیوں آتے ہیں


جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…