پنجاب بھرکے انجینئرنگ اداروں میں داخلہ کیلئے آن لائن رجسٹریشن کا عمل جاری ۔۔۔ آخری تاریخ بھی سامنے آگئی

  بدھ‬‮ 13 مئی‬‮‬‮ 2020  |  23:56

لاہور(این این آئی ) یو نیورسٹی آف انجینئرنگ اینڈ ٹیکنالوجی لاہورنے پنجاب بھرکے انجینئرنگ اداروں میں انٹری ٹیسٹ 2020کے شیڈول کا اعلان کردیا، جس کے مطابق حتمی ٹیسٹ 13 اور 14 جون کو ورچوئل یونیورسٹی کے مختص کردہ ٹیسٹ سینٹرزمیں ہوگا۔انٹری ٹیسٹ میں شمولیت کیلئے طلبہ و طالبات آج سے یکم جون تک ایچ بی ایل کی نامزد شاخوںسے انٹری ٹیسٹ کے ٹوکن حاصل کرسکیں گے۔ تفصیلات کے مطابق صوبہ پنجاب کے سرکاری اداروں میں بی ایس سی انجینئرنگ اور بی ایس سی انجینئرنگ ٹیکنالوجی کے پروگرامز میں داخلے کیلئے آن لائن انٹری ٹیسٹ ہوگا، امیدواران کو کمپیوٹرپرٹیسٹ دینے کی راہنمائی


کیلئے مورخہ 6اور 7 جون کو ورچوئل یونیورسٹی کے مختص کردہ امتحانی مراکز میںموک/تجرباتی ٹیسٹ لیا جائے گا۔جبکہ حتمی ٹیسٹ 13 اور 14 جون کو لیا جائے گا۔اسی طرح انٹری ٹیسٹ کے نتائج کا اعلان 15 جون کو کردیا جائے گا۔طلباء انٹری ٹیسٹ سے متعلق تمام معلومات یو ای ٹی لاہور کی ویب سائٹ admission.uet.edu.pkسے حاصل کر سکتے ہیں۔نیز داخلہ ٹیسٹ فارم پُر کرنے کی سہولت فراہم کرنے کیلئے یو ای ٹی لاہور، یو ای ٹی ٹیکسلا،انجینئرنگ کالج بہاؤالدین زکریایونیورسٹی ملتان، NFCانسٹیٹیوٹ برائے انجینئرنگ اینڈ ٹیکنالوجی خانیوال روڈ ملتان، انجینئرنگ کالج اسلامیہ یونیورسٹی بہاولپور، یونیورسٹی آف گجرات اور فاطمہ جناح وومن یونیورسٹی (صرف خواتین کیلئے)راولپنڈی میں طلباء اور طالبات کیلئے کمپیوٹر اور پرنٹر کی سہولت فراہم کی گئی ہے۔انٹری ٹیسٹ رجسٹریشن کا مکمل پراسس یوٹیوب پرhttps://youtu.be/L27M6rKN23yاور https://www.youtube.com/watch?v=ZXTbKXE0ITMسے دیکھا جا سکتا ہے۔


موضوعات: