جنوبی کوریا(مانیٹرنگ ڈیسک) سام سنگ نے اپنا 'سستا ترین' 3 بیک کیمروں والا اسمارٹ فون گلیکسی ایم 30 متعارف کرا دیا۔ یہ گلیکسی ایم سیریز کا نیا فون ہے جسے یہ جنوبی کورین کمپنی کم قیمت میں فلیگ شپ فیچرز سے لیس فونز کی سیریز قرار دیتی ہے۔ گلیکسی ایم 30 میں 6.4 انچ کا ایف ایچ ڈی پلس انفٹنی یو سپر امولیڈ ڈسپلے دیا گیا ہے جبکہ سام سنگ کا اپنا ایکسینوس 7904اوکٹا کور پراسیسر، 4 سے 6 جی بی ریم اور 64 سے 128 جی بی اسٹوریج موجود ہے جس میں مائیکرو ایس ڈی کارڈ سے 512 جی
بی تک اضافہ کیا جاسکتا ہے۔ اس فون کی خاص بات اس کے بیک پر موجود 3 کیمروں کا سیٹ اپ ہے اور یہ اس جنوبی کورین کمپنی کا سب سے سستا 3 بیک کیمروں والا فون ہے۔ فون کے بیک پر ایک 13 میگا پکسل کیمرا ایف 1.9 آپرچر کے ساتھ ہے جبکہ دوسرا 5 میگا پکسل ڈیپتھ سنسر اور تیسرا 5 میگا پکسل الٹرا وائیڈ کیمرا ہے جس میں 123 ڈگری ویونگ اینگل موجود ہے۔ فون کے فرنٹ پر 16 میگا پکسل سیلفی کیمرا ہے۔ اس فون کے دیگر اہم فیچرز میں ڈوئل سم سپورٹ اور 5000 ایم اے ایچ کی طاقتور بیٹری قابل ذکر ہے۔ یہ فون سب سے پہلے بھارت میں فروخت کے لیے پیش کیا گیا ہے اور بعد ازاں دیگر ممالک میں بھی اسے متعارف کرایا جائے گا۔ اس کے 4 جی بی ریم اور 64 جی بی والا فون 14 ہزار 990 بھارتی روپے (29 ہزار پاکستانی روپے سے زائد) جبکہ سکس جی بی ریم اور 128 جی بی اسٹوریج والا ماڈل 17 ہزار 990 بھارتی روپے (35 ہزار پاکستانی روپے سے زائد) رکھی گئی ہے۔