اسلام آباد (مانیٹرنگ ڈیسک) کیا آپ نے کبھی ڈیسک ٹاپ کمپیوٹر میں جی میل پر ماﺅس کے رائٹ کلک کو دبا کر آزمانے کی کوشش کی؟ بیشتر افراد نہیں کرتے تاہم اگر آپ نے کبھی کی بھی ہے تو صرف 3 آپشن ہی نظر آئے ہوں گے، آرکائیو، مارک ایز ان ریڈ اور ڈیلیٹ۔ مگر اب اس میں بڑی تبدیلی آگئی ہے۔

اور گوگل نے جی میل رائٹ کلک مینیو میں متعدد اہم اضافے کردیئے ہیں۔ اب جی میل کے نئے رائٹ کلک مینیو میں 12 آپشن موجود ہیں، ریپلائی، ریپلائی آل، فارورڈ، آرکائیو، ڈیلیٹ، مارک ایز ان ریڈ، سنوز، موو ٹو، لیبل ایز، میوٹ، فائنڈ ای میلز فرام سیم سینڈر اور اوپن ان نیو ونڈو۔ اگر آپ نے کنورزیشن ویو ٹرن آف کررکھا ہے تو آپ ایسی تمام ای میلز بھی سرچ کرسکیں گے جن کا سبجیکٹ ایک جیسا ہوگا۔ ایسے افراد جن کو بہت زیادہ ای میلز کرنا ہوتی ہے ان کے لیے یہ نئے اضافے انتہائی فائدہ مند ہوں گے، کیونکہ گوگل نے اس میں وہ سب کچھ دے دیا ہے جس کی آپ کو مینیو میں ضرورت ہوتی ہے۔ جیسے آپ بہت زیادہ تعداد میں ای میلز کو کیس خاص کیٹیگری میں منتقل کرنا چاہتے ہیں یا 2 ای میلز نئی ونڈو میں کھولنا چاہتے ہیں تاکہ ان کا موازنہ کرسکیں، تو یہ اب ایک رائٹ کلک کی دوری پر ہے۔ ویسے یہ سب ااپشن جی میل ٹاپ مینیو میں موجود ہیں جبکہ کچھ تھری ڈاٹ مینیو میں دیکھے جاسکتے ہیں اور کی بورڈ شارٹ کٹس سے بھی ان تک رسائی ممکن ہے۔ مگر جب ایک رائٹ کلک پر سب کچھ مل جائے تو یہ نیا فیچر زیادہ قابل ترجیح ثابت ہوگا۔ یہ نیا فیچر بائی ڈیفالٹ پر صارف کو دستیاب ہوگا اور دنیا بھر میں اسے متعارف کرانے کا سلسلہ شروع کردیا گیا ہے جو کہ بتدریج تمام افراد تک پہنچے گا۔ تو اگر ابھی آپ کو نظر نہیں آرہا ہو تو فکر مت کریں، کیونکہ یہ بہت جلد آپ کو دستیاب ہوگا۔