اسلام آباد (مانیٹرنگ ڈیسک)ہائیر کمپنی پاکستان نے پہلا ’’میڈ ان پاکستان‘‘لیپ ٹاپ تیار کر لیا، پاکستان کو ٹیکنالوجی کے میدان میں شاندار کامیابی سے ہمکنار کرنے والی کمپنی ہائیر پاکستان ملکی تاریخ میں لیپ ٹاپ مینوفیکچر کرنے والا پہلا برانڈ بن گیا۔ تفصیلات کے مطابق سی پیک منصوبے کے تحت پاکستانی اور چینی ماہرین نے ہائیر پاکستان اور ربا کے فلیگ تلے پہلا’’میڈ ان پاکستان‘‘
لیپ ٹاپ تیار کر لیا ہے۔ جس سے معلوم ہوتا ہے کہ سی پیک کے ثمرات اب سامنے آنے لگ گئے ہیں۔ ربا کے سی او جاوید آفریدی کا اس موقع پر کہنا تھا کہ ملکی تاریخ کے پہلے ’’میڈ ان پاکستان‘‘لیپ ٹاپ‘‘کی مینو فیکچرنگ ٹیکنالوجی کے شعبے میں پاکستان کو ایک قدم آگے لے گئی ہے اور وہ دن دور نہیں جب پاکستان ٹیکنالوجی کے شعبے میں مزید نمایاں کامیابیاں حاصل کرے گا۔
