اسلام آباد (مانیٹرنگ ڈیسک)سام سنگ کو ایک بار پھر اپنے اسمارٹ فون میں بیٹری کے مسائل کا سامنا ہے اور متعدد صارفین کی جانب سے گلیکسی نوٹ 8 میں مسئلے کی شکایت کی گئی ہے جس کے مطابق ان کے فونز کی بیٹری چارج نہیں ہورہی۔اینڈرائیڈ اتھارٹی کے مطابق یہ مسئلہ اس وقت سامنے آتا ہے جب فون کی بیٹری مکمل طور پر ختم ہوجائے یعنی فون بند ہوجائے اور پھر جب اسے چارج کرنے کی کوشش کی
جائے تو وہ چارج نہیں ہوتا۔ مزید پڑھیں : سام سنگ کا سب سے ‘بہترین’ گلیکسی نوٹ متعارف سام سنگ ہیلپ فورم میں صارفین کی جانب سے متعدد شکایات کی گئی ہیں جس کے مطابق ان کے فونز چارج نہیں ہورہے۔ ایک صارف نے لکھا ‘ میں نے تین مختلف پاور کیبل کو آزمایا مگر کوئی فائدہ نہیں ہوا’۔ ایک اور صارف نے لکھا ‘ میں نے رات بھر فون کو چارج پر لگائے رکھا مگر کوئی فائدہ نہیں ہوا اور فون ڈیڈ رہا، فون دیکھنے میں تو نیا لگتا ہے اور
میں نے اس کا خیال بھی بہت زیادہ رکھا مگر پھر بھی یہ نقص نکل آیا’۔ ایک صارف نے اپنے فون کی چارج میں ناکامی کی ویڈیو بھی یوٹیوب پر اپ لوڈ کی۔ خیال رہے کہ گلیکسی نوٹ ایٹ گزشتہ سال کے گلیکسی نوٹ سیون کے بعد سامنے آیا تھا جسے بیٹری کے تباہ کن مسئلے کا سامنا ہوا تھا۔ یہ بھی پڑھیں : سام سنگ گلیکسی نوٹ 7 ختم کرنے کا اعلان بیٹریاں پھٹنے کے باعث سام سنگ نے گلیکسی نوٹ سیون کی فروخت روک کر تمام صارفین سے بھی اسے طلب کرلیا تھا۔
