ویسے تو ڈوئل اسکرین کے موبائل دوسری کمپنیاں بھی بنانے میں مصروف ہیں، اور جلد ہی دیگر کمپنیاں بھی ایسے فون متعارف کرانے والی ہیں۔تاہم چینی کمپنی ’زیڈ ٹی ای‘ نے سب کو پیچھے چھوڑتے ہوئے ڈوئل اسکرین کا اپنا منفرد اسمارٹ موبائل پیش کردیا۔زیڈ ٹی ای کی جانب سے متعارف کرائے گئے ایکسون ملٹی کی
خاص بات یہ ہے کہ اس کے دونوں اسکرینز کو بیک وقت مختلف مواد کے لیے بھی استعمال کیا جاسکے گا۔ایکسون ملٹی کے دونوں اسکرین ایک دوسرے کے پیچھے نصب ہیں، اور دونوں کی سائز بھی یکساں ہے۔230 گرام وزنی اس موبائل کے دونوں اسکرین 5.2 انچ کے ہیں، جب کہ اس کا کیمرہ 20 میگا پکسل ہے۔ایکسون ملٹی میں کوالکوم کا اسنیپ ڈریگن 821 پروسیسر نصب ہے، جب کہ اس کی موٹائی محض 12 ملی میٹر ہے، اس کی بیٹری 3 ہزار 180 ایم ایچ ہے۔زیڈ ٹی ای کے مطابق ایکسون ملٹی کے دونوں اسکرینز کو خصوصی سافٹ ویئرز کے ذریعے الگ الگ کنٹرول کیا گیا ہے، جس وجہ سے دونوں کو بیک وقت مختلف کاموں کے لیے استعمال کیا جاسکتا ہے۔یعنی اگر ایک ہی وقت میں ایک اسکرین پر فیس بک چلایا جائے، تو دوسرے اسکرین پر یوٹیوب دیکھی جاسکتی ہے۔کمپنی نے ایکسون ملٹی کو متعارف تو کرادیا، تاہم اسے فوری طور پر فروخت کے لیے پیش نہیں کیا گیا۔زیڈ ٹی اے کے مطابق ایکسون ملٹی کو سب سے پہلے امریکا اور جاپان میں رواں برس کے آخر تک فروخت کے لیے پیش کیا جائے گا، جس کے بعد اسے دیگر ممالک میں پیش کیا جائے گا۔اس سے بھی بڑی دلچسپ بات یہ ہے کہ کمپنی نے ایکسون ملٹی کی رقم بھی نہیں بتائی۔
With the #AxonM there’s unlimited possibilities. Use two apps at once or see more by doubling your screen. What’s your mode? #ZTEAxon pic.twitter.com/7Eu4x1VzjY
— ZTE USA (@zteusa) October 17, 2017
Dual screens. Multiple combinations. Be able to do more every day and never be constrained. Unlimited possibilities await. #AxonM pic.twitter.com/u1tZvBLYPz
— ZTE USA (@zteusa) October 17, 2017
