واشنگٹن (آئی این پی )امریکا کی بڑی ٹیکنالوجی کمپنیوں نے امیگریشن پالیسی میں تبدیلی کیلئے صدر ٹرمپ کو خط لکھنے کا فیصلہ کرلیا۔امریکی میڈیا کے مطابق ایپل، فیس بک ، گوگل ، ٹوئیٹر ، مائیکروسوفٹ اور یاہو جیسی بڑی کمپنیوں نے امیگریشن پالیسی میں تبدیلی کیلئے صدر ٹرمپ کو خط لکھنے کا فیصلہکیا ہے ۔

کمپنیوں کا کہنا ہے کہ انہیں نئی ویزا پالیسی پر تشویش ہے جس کے نتیجے میں ان کمپنیوں کے کام کرنے والے بہت سے ملازمین پر اثر پڑے گا۔ یہ ملازمین امریکا میں بہت محنت سے کام کرتے ہیں اور ملک کی ترقی میں کردار ادا کرتے ہیں ۔مجوزہ خط کے متن کے مطابق ان کمپنیوں کی ترقی اور نئی نوکریوں کا انحصار مختلف پس منظر سے تعلق رکھنے والے تارکین وطن افراد کی شرکت پر ہوتا ہے ۔

موضوعات:ٹرمپ